काठमाडौं, १२ चैत ।

विश्व शक्ति राष्ट्र अमेरिकाको राष्ट्रपति डोनाल्ड ट्रम्पले घोषणा गरेको मेक्सीको सिमामा पर्खाल लगाउने योजनालाई आफ्नै सांसदहरुले साथ नदिएपछि अप्ठ्यारोमा परेका बेला पेन्टागष्ले साथ दिने बताएको छ ।
संयुक्त राज्य अमेरिकाको रक्षा विभागको मुख्यालय पेन्टागनले अमेरिका–मेक्सिको सीमामा पर्खाल लगाउनका लागि एक बिलियन अमेरिकी डलर दिन मञ्जुरी दिएको छ ।

राष्ट्रिय सुरक्षालाई ध्यानमा राख्दै राष्ट्रपति डोनाल्ड ट्रम्पले अमेरिका–मेक्सिको सीमामा पर्खाल लगाउने माग राख्दै आएका थिए । राष्ट्रपति ट्रम्पले अमेरिकामा आपराधिक क्रियाकलाप रोक्नका लागि पनि भौतिक अवरोधको आवश्यकता भएको बताउँदै आएका छन् । तर उनका आलोचकहरुले भने ट्रम्पले आपतकालमा सीमाको निर्माण गरेको आरोप लगाउँदै आएका छन् ।

अमेरिकी आर्मी कोर अफ इञ्जिनियर्सको कमाण्डरलाई होमल्याण्ड सुरक्षा र सीमा शुल्क तथा सीमा गस्ती विभागको मद्दत गर्नको लागि एक अर्ब अमेरिकी डलरको राशी खर्च गर्ने योजना सुरु गरेको पेन्टागनले जनाएको छ ।

होमल्याण्ड सुरक्षा विभागले पेन्टागनलाई ९२ किलोमिटरसम्मको ५ ५ मिटर अग्लो पर्खाल बनाउन, सडक सुधार गर्न र प्रकाशको व्यवस्था गर्नको लागि भनेको बीबीसीले उल्लेख गरेको छ ।