चितवन, १ चैत –

सहिद शिव पौडेल स्मृति पुरस्कार समर्पण कार्यक्रम –२०७५
साहित्य सङ्गम चितवनको आयोजनामा मिति २०७५ चैत्र १ गते सहिद शिव पौडेलको स्मृति पुरस्कार समर्पण कार्यक्रम भव्य रुपमा सम्पन्न भयो ।

यस वर्षको सहिद शिव पौडेल स्मृति पुरस्कार कवि तथा आख्यानकार श्री रह शर्मा (शशिकिरण रेग्मी) को औपन्यासिक कृति ईप्सान्तलाई प्रदान गरियो । सिर्जना अविरल, विनोदखण्ड तिमिल्सेना र प्रभा भरहठ्ठाको निर्णायक समितिबाट उक्त पुरस्कार रह शर्माको उपन्यास ईप्सान्तलाई प्रदान गर्न सिफारिस गरिएको थियो ।

कार्यक्रममा प्रमुख अतिथिका रुपमा समाजसेवी तथा वामपन्थी आन्दोलनका अग्रज व्यक्तित्व यमुना प्रसाद न्यौपाने हुनुहुन्थ्यो भने विशिष्ट अतिथिका रुपमा नेपाल नाट्य प्रतिष्ठानकि प्राज्ञ नमूना शर्मा हुनुहुन्थ्यो । त्यस्तै कार्यक्रममा शिक्षाविद् रमाकान्त सापकोटा, सहिद शिव पौडेलका भाइ नारायाण प्रसद पौडेल, प्र.ले.स.कि. केन्द्रीय सदस्य तथा साहित्यकार सरिता तिवारी लगायत इन्द्र रेग्मी, रामहरि श्रेष्ठ, डा. धनेश्वर भट्टराई, एल.वी. क्षेत्री, केदारनाथ खनाल पुष्प अधिकारी अञ्जली, बालकृष्ण थपलिया, विपिन पाठक, प्रा.डा. होमनाथ सापकोटा, लकाश पौडेल, प्रा.डा. कर्ण बानिया, गोर्खे साइलो समेतको बाक्लो उपस्थिति थियो ।

कार्यक्रमको अध्यक्षता साहित्य सङ्गम चितवनका अध्यक्ष प्रकाश चापागाईले गर्नुभएको थियो भने कार्यक्रम सञ्चालन सङ्गमकै सह सचिब कृष्ण सुदामाले गर्नुभएको थियो ।