लगभग छ महिनासम्म काम गरे तर उनले कामको पारिश्रमिक पाएनन्। तलब पाएनन् भिषा पनि पाएनन्।
तलब पाउन छोडेपछि अक्टुबर २०१५ मा उनी र उनीसँगै अन्य दुई नेपाली काम छोडेर बस्न थाले। केही समय त भिषा लाग्ने र तलब पाउने आशमा थिए। यति नै बेला कम्पनी बन्द गरी पासपोर्ट लिएर मालिक भागे। त्यसपछि बाबुरामको युएइ बसाइ संकटमा पर्यो।
युएइ इमिग्रेसन र प्रहरीलाई रिपोर्ट दिए पनि नेपाल जान नपाएकोमा उनको दुखेसो छ। ‘गत चैत्रमा आमाको मृत्यु भयो’, देवकोटाले नागरीकन्युजसँग, ‘आमाको मुख नदेखे पनि बर्ष दिन भित्रमा घर पुगेर आमाको काजक्रिया गर्न मन छ।’
देवकोटा घरमा बुबा, श्रीमती र चार छोरी छन ।
नेपाल फर्काउनको केही पनि प्रमाण नभएकाले ढिलो र बढी समस्या भएको नेपाली दूतावासकी श्रम सहचरी हिरा यादवले बताउँछिन्। युएईको नियमअनुसार जाने हो भने अझै चार पाँच महिना समय लाग्ने उनले सुनाइन्। दूतावासले छिटै घर पठाउन काम गरिरहेको उनले बताइन्।
