डेढ किलो सुनसहित एक जना पक्राउ. काठमाडौैं,२२ वैशाख ।. हेटौडा-१७ रातोमाटेमा अबैध रुपमा निकासी गरी ल्याइएको डेढ किलो सुनसहित एक जना पक्राउ परेका छन् ।. बुधबारको सुनको मूल्यअनुसार ७४ लाख २० हजार पाँच सय रुपैयाँ बराबरको सुन प्रहरीले बरामद गरेको हो । नियमित चेकिङ गर्ने क्रममा प्रहरीले डेढ किलोको सुनको पातासहित रौतहट जिल्ला गौर नगरपालिका-१३ बस्ने ३० वर्षका अर्जुन सिहलाई पक्राउ गरेको हो । सिहले आफ्नै घरगाउँमा बिहेका लागि सुन खरिद गरेर ल्याएको दाबी गरेका छन् । प्रहरीले भने नियमित रुपमा सुनको अबैध कारोबार गर्ने गरेको आरोप लगाएको छ ।. काठमाडौंबाट रौतहट तर्फ जाँदै गरेको बा ३ ख ४६४६ नम्बरको बसलाई चेक गर्दा उनको साथबाट डेढ किलो सुन फेला पारीएको जिल्ला प्रहरी कार्यालय मकवानपुरले जनाएको छ ।. पक्राउ परेका सिंहलाई थप अनुसन्धान र कारबाहीका लागि आन्तरिक राजस्व कार्यालय पथलैयामा पठाइएको जिल्ला प्रहरी कार्यालय मकवानपुरको भनाई छ ।.