गैरआवासीय नेपाली संघ मलेसियाका अध्यक्ष महेन्द्रजंग शाहलाई पदबाट हटाइएको छ । संघले शनिबार विज्ञप्ती जारी गदै शाहमाथि ठगी लगायतका विभिन्न उजुरी परेको र विवादित भएकाले पदबाट हटाइएको जनाएको हो ।

‘गैरआवासीय संघजस्तो गरिमामय संस्थामा आबद्ध आबद्ध शाहमाथि ठगी लगायतका विभिन्न उजुरी परेको पाइको र यस सम्बन्धमा निज शाह विवादित भएपछि संस्थाको इज्जत र मर्यादालाई ख्याल गर्दै पदाधिकारीबीच बैठक बोलाइ बहुमतले यस्तो निर्णय गरिएको हो,’ विज्ञप्तीमा उल्लेख छ ।

शाहले ठगी गरेको भन्दै विभिन्न व्यक्ति र संस्थाबाट मलेसियास्थित नेपाली दुतावास र स्थानीय प्रहरी कार्यालयमा समेत उनीविरुद्ध उजुरी परेको जनाइएको छ । साथै आगामी दुई महिनाभित्र कार्यसमितीका पदाधिकारीबीच छलफल गरि रिक्त अध्यक्ष पदपूर्ति गरिने र उक्त जिम्मा प्रमुख संरक्षक शंकरबहादुर पौडेललाई दिइएको उल्लेख गरिएको छ ।