नदी किनारमा आस्रय लिइरहेका सुकुम्बासीलाई सरकारदे बलात हटाई लगेर राखेकाे किर्तिपुर हाेल्डिङ सेन्टरमा पनि बाढी पसेपछि सुकुम्बासीकाे विचल्ली भएको छ ।

अविरल वर्षापछि कीर्तिपुरस्थित बागमती नदीमा आएको बाढीले होल्डिङ सेन्टर डुबाउँदा त्यहाँ बस्दै आएका सुकुमवासी विचल्लीमा परेका हन् ।

बाढीको पानी होल्डिङ सेन्टरमा पसेपछि उनीहरू ज्यान जोगाउन कीर्तिपुरको मुख्य सडकमा निस्किएका छन् । घटनास्थलमा सुरक्षाकर्मी डुङ्गासहित पुगेर उद्धार कार्य गरिरहेका छन् ।

एक–डेढ घण्टादेखि पानी पसेर होल्डिङ सेन्टर डुबेको छ । घुँडाभन्दा माथिसम्म पानी भइसकेको छ। हामी त सुतिरहेका थियौं, सबै जलमग्न भएपछि मात्रै थाहा पायौं। बाढी आउँदैछ भनेर पनि कसैले पहिले नै सचेत गराएर बाहिर निस्किन भनेन । अहिले सुरक्षाकर्मीहरू डुङ्गासहित आएका छन्। हामी अहिले कीर्तिपुरको मुख्य सडकमा निस्किएका छौं’ राजन माझीले भने ।