नेकपाका नेता तथा पुर्व उपप्रधानमन्त्री तथा गृहमन्त्री नारायणकाजी श्रेष्ठले विस्थापित सुकुम्बासीलाई उचित बसाेबासकाे व्यवस्था नगरी हाेल्डिङ सेन्टरबाट जबरजस्ती निकाल्ने काम नगर्न सरकारलाई चेतावनी दिएका छन् ।

सामाजिक सञ्जालमा धारणा लेख्दै उनलेे नेपाली सेना सहितको सुरक्षा फौज प्रयोग गरी बलप्रयोग द्वारा अमानवीय ढंगले सुकुम्बासी हरुलाई विस्थापन गरी पुनर्वासको उचित व्यवस्थापन नगरिएकोमा आपत्ति पनि प्रकट गरेका छन् ।

उनलेे बसाेबासकाे उचित ब्यवस्थापन नगरी हाेल्डिङ सेन्टरबाट सुकुम्बासीलाई लखेटिएमा त्यसकाे परिणाम गम्भीर हुने बताएका छन् ।

यस्तो छ उनकाे स्टाटस-

`बालेन्द्र सरकारले नेपाली सेना सहितको सुरक्षा फौज प्रयोग गरी बलप्रयोग द्वारा अमानवीय ढंगले सुकुम्बासी हरुलाई विस्थापन गरी पुनर्वासको उचित व्यवस्थापन नभए सम्मको लागि भन्दै विभिन्न होल्डिङ सेन्टरहरुमा राखेको थियो । तर अहिले पुनर्वासको व्यवस्था बिना नैं सुकुम्बासीहरुलाई ती होल्डिङ सेन्टर बाट बलजफ्ती निकाल्ने सूचना ,धम्की र चेतावनी दिइएको छ ,जुन नितान्त गलत र गैरजिम्मेवार छ ।सुकुम्बासी हरुलाई छिटो भन्दा छिटो वैज्ञानिक र मानवीय रुपमा उचित बसोबासको व्यवस्था गरियोस् र त्यस्तो व्यवस्था नभए सम्मको लागि होल्डिङ सेन्टरबाट बलजफ्ती निकाल्ने कार्य बन्द गरियोस् ,अन्यथा त्यसको परिणाम धेरै गम्भीर हुन सक्नेछ ।´