आगामी फागुन २१ गते हुन लागेकाे प्रतिनिधिसभा सदस्य निर्वाचनमा लमजुङबाट नेकपाका उमेदवार रहेका पुवा हरिजङ तामाङले काठमाडौंमा रहेका लमजुङका मतदातासँग भेटघाट तथा अन्तरक्रिया गरेका छन् ।

नेपाली कम्युनिस्ट पार्टी लमजुङ काठमाडौं सम्पर्क समन्वय समितिद्वारा काठमाडौं बालाजुमा आयाेजित कार्यक्रममा उमेदवार तामाङले आफ्नो प्रतिवद्वता र जिल्ला विकासका प्रारम्भिक याेजना र कार्यक्रम प्रस्तुत गरेका थिए । उनलेे आफ्नो र पार्टीको पक्षमा माहाेल बन्दै गएकाे र जित निश्चित हुने दावि गरेका थिए । उनलेे काठमाडौंमा रहनुभएका सबै मतदाताकाे सहयाेग र साथकाे अपेक्षा गरेका थिए ।

कार्यक्रममा नेकपाका सचिवालय सदस्य देव गुरूङले संविधान र दलिय व्यवस्था रक्षाकाे लागि नेकपा र हरिजङलाई जिताउन आवश्यक रहेकाे बताउँदै दृढतापुर्वक लाग्न निर्देशन दिएका थिए ।

कार्यक्रममा निवर्तमान प्रतिनिधि सभा सदस्य उर्मिला माझीले नेकपाका उमेदवार युवा, समाजसेवी र सक्रिय जनजाति नेता समेत भएको तथा  एमाले, कांग्रेस र रास्वपा आन्तरिक विवादमा र एजेन्डाविहिन भएकाले पनि नेकपाकाे पक्षमा परिणाम आउने सुनिश्चित भएको बताएकी थिइन् ।

त्यसैगरी जिल्ला इन्चार्ज तथा जिल्ला निर्वाचन परिचालन संयाेजक पारसमणी पाैडेलले काठमाडौंबाट जिल्लाकाे सम्वन्धित भुगाेल र वडामै गएर निर्वाचन प्रचारमा लाग्न अनुराेध गरे ।

कार्यक्रममा केन्द्रीय सदस्यहरू देवेन्द्र पराजुली, रामबाबु अधिकारी, राजु कार्की, राजु थापालगायतले लमजुङमा नेकपाकाे पक्षमा राम्रो माहोल बनेकाे बताएका थिए ।

आयाेजक समिति अध्यक्ष अर्जुन मगरातीकाे सभापतित्व र सचिव नारायण नेपालीको सञ्चालनमा भएको कार्यक्रममा सल्लाहकार समिति संयाेजक गुणराज घिमिरे, इश्वर न्याैपाने र प्रविण न्याैपानेले काठमाडौंमा रहेका मतदातालाई जिल्लामा मतदानकाे लागि लैजाने  प्रतिवद्वतासहित र जिल्लामा चुनावी अभियानमा उमेदवारले उठाउनुपर्ने विषय, एजेन्डा र गतिविधिबारे सुझाव दिएका थिए ।