लमजुङमा पूर्वप्रहरी हबल्दार बेसीशहर–२ निवासी ४६ वर्षीया सीता कँडेलको जघन्य हत्याको घटनामा भईरहेको अनुसन्धानका बारेमा जानकारी गराउँदै प्रहरीले विहिबार जिल्लामै पहिलो पटक स्थानीयबासीसँग थप सुझाब लिएको छ ।

जिल्ला प्रहरी कार्यालय लमजुङका प्रहरी प्रमुख प्रहरी नायब उपरिक्षक रेशम बोहराको नेतृत्वमा आएको टोलीले बेसीशहर–२ का स्थानीयबासीले अनुसन्धानमा सहयोग पु¥याएकोमा धन्यवाद दिएको थियो ।

बेसीशहर–२ का वडा अध्यक्ष मदनबहादुर रानाले वडाबासी र परिवारको तर्फबाट अनुसन्धानमा संलग्न डीएसपी रेशम बोहरा र प्रहरी निरीक्षक अभिषेक पाण्डेसहितको टोलीलाई फूलमाला र खादा लगाइदिएर कृतज्ञता व्यक्त गर्नु भएको थियो ।

हत्या अभियोगमा चितवन रत्ननगर नगरपालिका–७ का ४७ वर्षीय बुद्धिराम दराईलाई प्रहरीले पक्राउ कर्तव्य ज्यान मुद्दामा अनुसन्धान गरिरहेको छ ।