स्मिता दाहालले ल्याइन् आमाको मुख हेर्ने दिन म्युजिक भिडियो ‘आमा’. गायिका स्मिता दाहालको नयाँ गीत ‘आमा’ आमाको मुख हेर्ने दिन मातातीर्थ औँसीको अवसर पारेर सार्वजनिक गरिएको छ । आइतबार दिउँसो युट्युबमार्फत सार्वजनिक भएको यो गीतले आमाको माया, संघर्ष र समर्पणलाई प्रस्तुत गरेको छ ।. गीतको शब्द सिर्जना र संगीत चेतन सापकोटाले गरेका छन् भने संगीत संयोजन गोपाल रसाइलीको रहेको छ । भिडियोमा गायिका दाहाल स्वयं र अभिनेता आकाश श्रेष्ठले प्रमुख भूमिका निर्वाह गरेका छन् । साथै, बाल कलाकार दीप्शिका श्रेष्ठको समेत उपस्थिति देख्न सकिन्छ ।. भिडियोको छायांकन नवराज उप्रेतीले गरेका हुने भने सम्पादन तथा रङ संयोजन विकास ज्ञवालीले गरेका छन् । कथा र निर्देशन सुनिल क्षेत्रीको रहेको छ ।. यस गीतको कथामा विमान दुर्घटनामा पति गुमाएपछि एउटी आमाले सन्तानलाई हुर्काउन गरेको संघर्ष देखाएएको छ । आमाको अतुलनीय योगदान र ममतालाई गहिरो भावनाका साथ उजागर गर्ने प्रयास गरिएको छ ।.