राष्ट्रिय स्वतन्त्र पार्टीका सभापति तथा पुर्व उपप्रधानमन्त्री एवम् गृहमन्त्री रवि लामिछानेलाई बिहीबार विहान १० बजे अदालतमा उपस्थित हुने गरी रूपन्देही अदालतले छाडिदिएकाे छ ।

बुधबार विहान आफैं अदालतमा हाजिर भएका उनलाई  बिहीबार विहान १० बजे पुनः हाजिर हुने  सर्तमा श्रीमती निकिता पौडेल र कानुन व्यवसायीको जिम्मा लगाउने आदेश दिएको छ ।

बुधवार बिहान अदालतमा उपस्थित हुन मंगलवार नै काठमाडौंबाट भैरहवा आइपुगेका लामिछाने विहान साढे ९ बजे अदालतमा उपस्थित भएका थिए ।

अदालतको गोलाप्रथाबाट ५ नम्बर इजलासमा परेका उनको बयान न्यायाधीश प्रह्लादकुमार योगीको इजालसमा भएको थियो ।

समय अभावका कारण बुधवार थुनछेक बहस हुन नसकेपछि रविलाई कानुन व्यावसायी र श्रीमती निकिता पौडेलको जिम्मा लगाएको अदालतका सूचना अधिकारी अनन्तराज मरासिनीले जानकारी दिए ।