विप्लव नेतृत्वको नेकपाले ०८४ काे चुनावमा भाग लिने, मुद्दा फिर्ता प्रमुख सर्त. मूलखबर संवाददाता कपिलवस्तु, २ पुस एकीकृत जनक्रान्तिकाे नारासहित निर्वाचन वहिस्कार गरिरहेकाे नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा) ले ०८४ सालको आम निर्वाचनमा भाग लिने निर्णय गरेको छ ।. कपिलवस्तुको शिवगढीस्थित पार्टी केन्द्रीय कार्यालयमा एक सातासम्म बसेको केन्द्रीय कमिटीको बैठले सो निर्णय लिएको हो ।. तर, निर्वाचनमा भाग लिनका लागि आफ्ना नेताहरूमाथि लागेको मुद्दा खारेज हुनुपर्ने माग सो पार्टीले राखेको छ ।. बैठकले आगामी फागुनमा झापा–कञ्चनपुर मार्चापास अभियान सञ्चालन गर्ने निर्णय पनि गरेको छ ।. नेत्रविक्रम चन्द विप्लव नेतृत्वको नेकपाका नेताहरु आफैंले उत्पादन गरेको एकै खालको पोशाक लगाएर केन्द्रीय समिति बैठकमा सहभागी भएका थिए । राजनीतिक दल र नेता कार्यकर्तालाई आत्मनिर्भर बनाउने अभ्यास अनुकरणीय भएको भनेर प्रसंसा भएको छ ।.