पत्रकारको छाता संस्था भनेर चिनिने नेपाल पत्रकार महासंघको शुक्रबार सम्पन्न निर्वाचतको अन्तिम मतपरिणाम घोषणा भएको छ।

आइतबार निर्वाचन समितिद्वारा सार्वजनिक अन्तिम मतपरिणामअनुसार अध्यक्षमा निर्मला शर्मा निर्वाचित भएकी छिन् । उनलेे  ४ हजार २८२ मतसहित विजयी भएकी हुन् ।

वरिष्ठ उपाध्यक्षमा दीपक आचार्य ४ हजार २३० मतका साथ विजयी भएका छन् भने महिला उपाध्यक्षमा नितु पण्डित ४ हजार ७०५, उपाध्यक्ष समावेशीमा उमित प्रसाद बागचन्द ४ हजार २९२ मतका साथ विजयी भएका छन् ।

घाेषित परिणाम अनुसार महासचिवमा रामप्रसाद दाहाल ४ हजार २९२, खुला सचिवमा रमेश खतिवडा, महिला सचिवमा सोनी शर्मा, दलित सचिवमा प्रकाश चौलाकोटी, एसोसियट सचिवमा वैकुण्ठराज पराजुली, कोषाध्यक्षमा रामकृष्ण अधिकारी निर्वाचित भएका छन् ।

काेषाध्यक्षमा निर्वाचित अधिकारीबाहेक अन्य सबै पदाधिकारी सत्तारूढ दल निकटका संगठनकाे गठबन्धनबाट निर्वाचित भएका हुन् भने अधिकारी माओवादी निकट प्रेस सेन्टरबाट निर्वाचित भएका हुन् । उनले ३८४७ मतकासाथ विजयी हुँदा गठबन्धनका रामकृष्ण ज्ञवालीले ३४६४ मत ल्याएर पराजित भएका छन् ।

कसले कति मत पाए ?