गृहमन्त्री रमेश लेखक सुर्खेत पुगेका छन् । नेपाली कांग्रेसका नेतासमेत रहेका गृहमन्त्री लेखक दलबलसहितकाे जम्बाे टाेली  सुर्खेतस्थित नेपाल प्रहरी विशेष सुरक्षा गण गुमी बेस क्याम्प गुर्भाकोट सुर्खेतको अनुगमन गर्न सुर्खेत आइपुगेको हाे ।

सुरक्षा गण अवलोकन पछि गृहमन्त्री लेखकले प्रहरीका लागि आवश्यक स्रोतसाधनको व्यवस्थापनमा सरकार गम्भीर रूपले लागिरहेको बताएका छन् । विधिको शासन सुनिश्चित गर्नका लागि नेपाल प्रहरीको विषेश भूमिका रहेको उनले बताए ।

सोमबार हुने कर्णाली प्रदेशस्तरीय सुरक्षा गोष्ठीका लागि आइतबार दिउँसो सुर्खेत पुगेका उनले गणको अनुगमन गरेका हुन् । अनुगमनको क्रममा लेखकले गण छिटो स्थानान्तरणका लागि आफूले गर्नुपर्ने सहयोग गर्ने आश्वासन समेत दिए । गृहमन्त्री लेखक सँगै नेपाल प्रहरीका प्रमुख आईजीपी बसन्तबहादुर कुँवर पनि सुर्खेत पुगेका छन् ।