
एनपीएल जारी, आज २ खेलमा प्रतिस्पर्धा हुँदै
नेपाल प्रिमियर लिग जारी छ । आज बिहीबार दुई खेलमा प्रतिस्पर्धा हुँदैछ।
कीर्तिपुरस्थित त्रिवि मैदानमा पहिलो खेल बिहान ९:१५ बजे पोखरा एभेन्जर्सले जनकपुर बोल्ट्ससँग खेल्नेछ।
दिउँसो सवा १ बजे हुने दोस्रो खेल काठमाडौं गोर्खाज् र सुदूरपश्चिम रोयल्सबीच हुनेछ।
लगातार दुई खेल जितेको जनकपुरले आज खेल्न लागेको खेल तेस्रो हो। यसअघि पहिलो खेलमा विराटनगर किंग्सलाई र दोस्रो खेलमा कर्णाली याक्सलाई पराजित गरेको थियो।
