माओवादी केन्द्र लमजुङ पालिका सम्मेलनकाे तयारीमा. मूलखबर संवाददाता लमजुङ, ११ मंसिर नेकपा माओवादी केन्द्र लमजुङले पालिका सम्मेलनहरूकाे तयारी गरेकाे छ ।. पार्टी केन्द्र र प्रदेश कार्यलयकाे बैठककाे निर्णय अनुसार मंसिर महिनाभित्रै सबै पालिका समितिकाे सम्मेलन विधिवत रूपमा सम्पन्न गर्ने तयारी गरिएको पार्टी केन्द्रीय सदस्य तथा जिल्ला इन्चार्ज पारसमणी पाैडेलले बताउनुभयाे ।. उहाँले सम्मेलनलाई भव्यताका साथ सम्पन्न गर्नकाे लागि पालिका समितिहरूकाे तयारी बैठक जारी रहेकाे जानकारी दिनुभयाे ।. साेमबार सुन्दरबजार नगर समितिकाे बैठक सम्पन्न भएको छ । बैठकमा केन्द्रीय सदस्य पारसमणी पाैडेल प्रमुख अतिथि रहनुभएकाे थियाे भने प्रतिनिधि सभा सदस्य तथा केन्द्रीय सदस्य उर्मिला माझी र प्रेस सेन्टर महासचिव सन्ताेष पाैडेल विशेष अतिथि रहनुभएकाे थियाे । नगर अध्यक्ष मुरारी भुजेलकाे अध्यक्षतामा सम्पन्न बैठकमा जिल्ला अध्यक्ष रामचन्द्र पाैडेल, सचिव सुनिल सुनारलगायत अतिथि रहनुभएकाे थियाे । बैठकमा उपाध्यक्ष सिर्जना बराल अधिकारीले केन्द्र र प्रदेशकाे सर्कुलर बाचन गरेर सुनाउनुभएकाे थियाे ।. पालिका बैठकहरूमा केन्द्रीय सदस्यहरू, प्रतिनिधि सभा सदस्यसमेत रहेकी पार्टी केन्द्रीय सदस्य उर्मिला माझीसमेत सहभागी हुनुभएको पार्टी जिल्ला सचिव सुनिल सुनार अटलले जानकारी दिनुभयाे ।. उहाँका अनुसार जिल्लाकाे दाेर्दी गाउँपालिका, सुन्दरबजार नगरपालिका, राइनास नगरपालिका, दुधपाेखरी गाउँपालिका, बेशिशहर नगरपालिकाकाे बैठकहरू सम्पन्न भएका छन् भने मध्य नेपालकाे आज हुँदैछ ।. बैठकहरूबाट पालिका सम्मेलनकाे मिति समेत तय भएका छन् । जिल्ला अध्यक्ष रामचन्द्र पाैडेलका अनुसार दुधपाेखरी गापाकाे मंसिर २२ गते, दाेर्दी गापाकाे मंसिर २९ गते, बेशिशहर नपाकाे मंसिर २८ गते, सुन्दरबजार नपाकाे मंसिर २६ गते सम्मेलन गर्ने निर्णय भएको छ । सम्मेलन सम्पन्न गर्नकाे लागि अहिलेका समितिहरूलाई विघटन गरिएको छ र सम्मेलन आयाेजक समितिमा रूपान्तरण गरिएको छ ।.