नेकपा माओवादी केन्द्रका अध्यक्ष तथा पुर्व प्रधानमन्त्री पुष्पकमल दाहाल प्रचण्डले कांग्रेस एमाले गठबन्धनको सरकारले लाेकतन्त्रकै खिल्ली उडाउने काम गरिरहेकाे बताउनुभएको छ ।

कान्तिपुर मिडिया ग्रुपकाे आयाेजनामा राजधानीमा भएको कान्तिपुर कन्क्लेभमा बाेल्दै प्रचण्डले कांग्रेस एमालेले परिवर्तन उल्टनउने ढंगबाट सम्झौता गरेकाे बताउनुभयाे ।

प्रचण्डले आफुहरू सत्ताकाे लाेभी नभएको र हिजाे गरेकाे गल्ती कमजोरी नदाेहाेराउनेगरी जनतामा फर्किएको बताउनुभयाे ।

उहाँले आफुले भ्रष्टाचारकाे विरूद्वमा र सुशासनको पक्षमा काम गरेकाे कारणले नै एमाले कांग्रेसले मिलेर सरकार ढलाएकाे बताउँदै आफुले भ्रष्टाचारीकाे संरक्षण गरेको भए प्रधानमन्त्री छाड्नु पर्ने अवस्था नआउने जानकारी दिनुभयाे ।

उहाँले लाेकतन्त्रकाे विषयमा नयाँ ढंगबाट व्याख्या गर्नुपर्ने खाँचो देखिएकाे बताउनुभयाे ।

उहाँले विगतमा माओवादी भन्दा पनि कांग्रेस एमालेकै आवश्यकतामा गठबन्धन हुने गरेकाे र माओवादीले आफ्नो पहिचान भुलेकाे जस्तो भएको भन्दै अब माओवादी आफ्नो खुट्टामा उभिएर जनताको साथमा चुनाव लड्ने र विजयी हुने बताउनुभयाे ।