वर्षसँगै आएको पहिरोले आज शुक्रबार बिहान नारायणघाट मुग्लिङ सडक खण्डको सिमलताल भन्ने ठाउँमा यात्रुबाहक २ वटा बस बगाएको छ । विहान ३:३० बजे भएको घटनामा काठमाडौँबाट रौतहट गइरहेको गणपति डिलक्स र बीरगञ्जबाट काठमाडौँतर्फ आइरहेको एञ्चल डिलक्स बस नारायणघाट मुग्लिङ सडक खण्डको सिमलताल भन्ने ठाउँमा पहिरोले बगाएर लापत्ता भएको प्रहरीले जनाएको छ ।

प्रहरीका अनुसार रौतहट जान लागेको बसमा २४ जना यात्रु र बिरगन्जबाट काठमाडौँ आउन लागेको बसमा ४१ यात्रु रहेका मध्ये तीनजना यात्रु बसबाट हाम फालेर सकुशल रहेको र अरु यात्रुको अवस्था अज्ञात रहेको छ । घटनास्थलमा खोजी कार्य भइरहेको प्रहरीले बताएको छ