अनधिकृत रूपमा विश्वविद्यालयको जग्गा हडपेर डिपो सञ्चालन गरेको पाइएपछि हटाइदिन महाशाखामा उजुरी दिएको सहप्राध्यापक त्रिपाठीले बताए । ‘डिपो नहटेसम्म प्रयोगशाला सञ्चालन गर्न सकिने स्थिति छैन,’ उनले भने । डिपोले प्रयोगशालातर्फ प्रवेश गर्ने मूल सडकसहित चारैतर्फ जस्तापाताको घेराबारा लगाएको छ ।

जहाँ टिपर, एक्स्काभेटर, ट्रक मात्र आउजाउ गर्छन् । सामान्य प्रशासन महाशाखाका प्रमुख राजुकुमार श्रेष्ठले प्रयोगशालाको पत्रअनुसार विश्वविद्यालयको जग्गा खाली गरिदिन ठेकेदारलाई पत्र पठाएको बताए । ‘उक्त जग्गा भोगचलन गर्न विश्वविद्यालयले दिएको होइन, अनधिकृत रूपमा प्रयोग गरेको पाइएपछि हटाउन भनेका छौं,’ उनले भने ।

यसअघि पनि पटक–पटक ठेकेदारलाई जग्गा खाली गर्न निर्देशन दिएको तर उनले अटेरी गर्दै आएको रजिस्ट्रार कार्यालयका कर्मचारी बताउँछन् । ‘मौखिक रूपमा जग्गा खाली गर्न गरेको आग्रह अटेर गरेपछि लिखित रूपमै पत्र पठाएका छौं,’ श्रेष्ठले भने । याे खबर कान्तिपुरमा छ ।