साउदी अरबमा जारी इटालियन सुपर कप फुटबलको उपाधि इन्टर मिलानले जितेको छ । साउदी अरवमा सोमबार राति भएको रोचक फाइनल खेलमा चर्चित प्रतिद्वन्द्वी नापोलीलाई १–० गोलले हराउँदै इन्टर च्याम्पियन बनेको हो ।

इन्टरको यो लगातार चौथो उपाधि हो । यसअघि इन्टरले सन् २०२१, २०२२ र २०२३ मा उपाधि जितेको हो । इन्टरको जितमा लौटारो मार्टिनेजले निर्णायक गोल गर्नुभयो ।

मार्टिनेजले इन्जुरी समयमा बेन्जामिन पाभार्डको पासमा गोल गर्दै इन्टरलाई उपाधि दिलाउनुभयो । ६०औँ मिनेटमा जिओभानी सेमोइनले दोहोरो पहेँलो (रातो) कार्ड पाउँदै बाहिरिएपछि १० खेलाडीमा समेटिएको नापोली दबाबमा परेको थियो । एजेन्सी