काठमाडौं, १७ मंसिर २०८०
विश्व जलवायु शिखर सम्मेलन (कोप २८) मा सहभागी हुन यूएईमा पुग्नु भएको प्रधानमन्त्री पुष्पकमल दाहाल ‘प्रचण्ड’ आज स्वदेश फर्किदै हुनुहुन्छ ।

प्रधानमन्त्री प्रचण्ड फ्लाई दुबईको विमान मार्फत् साँझ ६ बजे काठमाडौं आइपुग्ने उहाँका प्रेस सल्लाहकार गोविन्द आचार्यले जानकारी दिनु भयो । आचार्यका अनुसार प्रधानमन्त्रीले कोप सम्मेलनको उपलब्धिबारे त्रिभुवन अन्तर्राष्ट्रिय विमानस्थलमा पत्रकार सम्मेलन गरी जानकारी गराउने कार्यतालीका रहेको छ ।

प्रधानमन्त्री गत १३ गते यूएई पुग्नु भएको थियो । शनिबार कोेप २८ मा सम्बोधन गर्दै उहाँले बढ्दो तापमानका कारण हिमताल फुट्ने खतरा रहेको बताउनु भएको छ । उहाँले नेपालले जलवायू परिवर्तनमा भोगिरहेको समस्याबारे विश्वसमुदायको ध्यानाकर्षण गराउँनु भएको छ ।