काठमाडौँ, मंसिर १४
जलवायु परिवर्तनसम्बन्धी संयुक्त राष्ट्रिसंघिय महासन्धिको २८औँ सम्मेलन (कोप–२८) मा भाग लिन छुटेको ३१जना सहभागि यात्रुहरु आज वेलुका दुवई प्रस्थान गर्दैछन् । कोप २८मा सहभागि हुन दुवई जाने ३१ जना यात्रु हिजो काठमाडौँमै छुटेका थिए । बुधवार बेलुकाका काठमाडौँ–दुबई उडानको क्रममा रहेको नेपाल एयरलाइन्सको जहाजले यात्रुहरु छोडेर उडेको थियो । यता नेपाल एयरलाइन्सले जहाजमा यात्रुहरू आफैँ छुटेको प्रतिक्रिया दिएको छ । ‘जहाजले छाडेको होइन यात्रुहरू आफैँ छुटेका हुन’ यात्रुहरू संवेदनशील नहुदा छुट्नु पुगेको नेपाल एयरलाइन्सका प्रवक्ता रमेश पौडेलले बताए ।

‘जहाजको उडान तालिका परिवर्तन भएको सबै यात्रुहरूलाई पहिले नै जानकारी गराइएको थियो । फोन, एसएमएस, मेल सबै तरिकाबाट सूचना पु¥याइएको हो । तर, केही भएको हो’ पौडेलले भने ।

एयरलाइन्सको आरए २२९ नम्बरको जहाज बुधवार बेलुका ११ः३० बजे काठमाडौँ–दुबई उडान तालिका रहेको थियो । तर प्रधानमन्त्री समेत सोही विमानमार्फत दुबई जाने भएपछि पूर्ववत् उडान सेडूलमा २ घण्टा अघि सारिएको थियो । एयरलाइन्सको ११ः३० को उडानलाई ९ः३० मा सारिएको सबैमा सूचना गरिएको प्रवक्ता पौडेलको भनाइ छ ।

२५० जना यात्रुहरूले सूचना अनुसार नै समयमा नै उडानका लागि एयरपोर्ट आएको तर बाँकी ३१ जना नआएको प्रवक्ता पौडेलले बताए ।
प्रवक्ता पौडेलका अनुसार आज बेलुकाको नेपाल एयरलाइन्सकै ११ः३० कै अर्को जहाजमार्फत छुटेका यात्रुहरूलाई दुबई पठाउन लागिएको र सम्भव भएसम्म अन्य जहाजहरूमार्फत समेत पठाउने तयारी गरिरहेकोछ ।