खानीखोला गाउँपालिकाका अध्यक्ष इन्द्रबहादुर थिङ छिन्ताङले बेथानचोक दुर्घटनाका घाइतेहरूलाई अस्पतालमा पुगेर भेट गरि स्वास्थ्य अवस्था जानकारी लिनुका साथै उपचारमा कुनै कसर बाँकी नराख्न निर्देशन दिएका छन् ।

गाउँपालिका अध्यक्ष थिङले घाइते भएका पुर्व सांसद तथा एमाले नेता नविना लामा लगायतलाई अस्पतालमै पुगेर भेटेर स्वास्थ्य अवस्था बारे बुझेेका थिए ।

काभ्रे जिल्लाकाे तालढुङ्गाबाट बेथानचोक तर्फ आउदै गरेको बा १४ च ७०७७ नं. को डबल क्याप बलेरो बेथानचोक गा.पा. १ निगालेमा ब्रेक फेल भई सडकमा पल्टदा बलेरोमा सवार १८ जना मध्ये ११ जना घाईते भएका थिए । उनीहरुलाई उद्धार गरी तत्काल उपचारको लागि धुलिखेल अस्पताल पठाईएको थियाे ।

घाइते हुनेमा नेकपा एमाले केन्द्रिय सदस्य नबिना लामा, बागमती प्रदेश उप-सचिव भक्तकुमारी लामा, नेता रामहरी सुवेदी लगायत नेकपा एमाले खानीखाेला गाउँ पालिकामा शुभकामना एवं चियापान कार्यक्रम सकेर फर्किने टाेली रहेकाे थियाे ।