तीन दिनदेखि वेपत्ता महिला घरको भकारीभित्र मृत फेला परिन्. मूलखबर संवाददाता काठमाडौं सल्यान । सल्यानमा तीन दिनदेखि वेपत्ता महिला आफ्नै घरको भकारी भित्र मृत फेला परेकी छन् । सल्यानको सिद्धकुमाख गाउँपालिका–४ खार्पनकी ४९ वर्षीया गणेशी रोका आफ्नै घरको भकारी भित्र मृत फेला परेकी हुन् ।. असोज १५ गते बेलुकादेखि उनी परिवारका सदस्यहरुको सम्पर्कमा थिइनन् । उनी हराएको भन्दै घर परिवार, छिमेकी र आफन्तहरुले खोजतलास जारी राखेका थिए । तर घरभित्रै कुहिएको जस्तो गन्ध आउन थालेपछि भकारीभित्र हेर्दा उनी त्यहीँ भित्र फेला परेको जिल्ला प्रहरी कार्यालय सल्यानका प्रहरी निरीक्षक तथा प्रवक्ता गोपाल श्रेष्ठले जानकारी दिए ।. उनी घरमा छोरी, छोरा, बुहारीसँग बस्दै आएकी थिइन् ।. भकारीभित्र मृत फेला परेपछि शवलाई पोष्टमार्टमका लागि अस्पताल पठाएर प्रहरीले अनुसन्धान गरिरहेको छ ।.