सिन्धुलिबाट बागमती प्रदेश सभामा प्रतिनिधित्व गर्ने माओवादी केन्द्रकी सांसद शुस्पा भुजेलले सहिद विजय कुमार न्याैपानेकाे स्मृतिमा विभिन्न विद्यालयहरूमा अक्षय काेष स्थापना गरेकी छिन् ।

सहिद विजयकुमार न्याैपानेकाे जिवनसंगिनि सांसद भुजेलले विजयकाे स्मृति र सम्मानमा विजयले अध्ययन गरेका विद्यालयहरूमा गरिव, जेहेन्दार र असहाय विद्यार्थीहरूकाे  लागि छात्रवृत्ति प्रदान गर्ने उद्वेश्यका साथ अक्षय काेष स्थापना गरेकी हुन् ।

जनयुद्धको भिषण प्रक्रियामा विवाह गरेकोे १ वर्षमै अर्थात २०६३ बैसाख १० गते जीवन साथी विजयलाई गुमाएकी उनले विजयले माध्यमिक शिक्षासम्म अध्ययन गरेको  कामदेवी माध्यमिक विद्यालयमा १ लाख ५ सय ५ रूपैयाकाे विजय न्याैपाने स्मृति अक्षयकाेष स्थापना गरेकी छिन् । त्यसैगरी गाेलन्जाेर वडा नं ३ मा रहेकाे  काैशिका माध्यमिक विद्यालयमा विशिष्ट आजिवन सदस्यकाे रूपमा १०हजार १ सय २५ रूपैयाँकाे काेष जम्मा  गरेकी छन् ।

त्यसैगरी  जिल्ला सदरमुकाम कमलामाई नगरपालिकामा अवस्थित श्री जनज्योति माध्यमिक विद्यालय फाेस्रेटारमा सांसद भुजेलले विजयकाे सम्मान र सम्झनामा १० हजार राशि सहयाेग गरि विशिष्ट  आजिवन सदस्य घाेषणा गरेकी हुन् ।

सामुदायिक विद्यालयकाे शिक्षालाई व्यवस्थित र गुणस्तरीय बनाउनुपर्ने धारणा राख्ने सांसद भुजेलले मरिन गाउँपालिका वडा नं ७ मा रहेको मरिन माविमा पनि विशिष्ट सदस्यकाे रूपमा १० हजार १ सय १ रूपयाकाे काेष सहयाेग गरेकी छिन् ।

विजयकाे जन्म गाेलन्जाेर गाउँपालिका वडा नं मा बुबा कृतिप्रसाद न्याैपाने र आमा इन्द्रकुमारी न्याैपानेकाे माइलाे छाेराकाे रूपमा २०३१ मा भएको थियाे । उनले आफ्नो गाउँमै कामदेवी माध्यमिक विद्यालयबाट माध्यमिक तह सम्मकाे अध्ययन गरेका थिए भने काैशिका माविबाट १०+२ पास गरेका थिए । त्यसपछि विराटनगरमा क्याम्पस अध्ययन गरेर स्नातक उत्तीर्ण  गरेका थिए भने भारतकाे बनारसमा गएर शास्त्री समेत अध्ययन सम्पन्न गरेका थिए । उनले  शिक्षककाे रूपमा काम गर्दागर्दै माओवादी सम्वद्व शिक्षक संगठनमा आवद्व हुँदै २०५८ सालमा पुर्णकालीन कार्यकर्ताकाे रूपमा  आन्दाेलनमा समाहित भएका थिए ।

अत्यन्तै वाैद्विक, सालिन र इमानदार  विजयलेे शिक्षक संगठन बाट पार्टीको जिल्ला कमिटी  हुँदै सैन्य क्षेत्रमा समेत महत्त्वपूर्ण भुमिका निर्वाह गर्ने क्रममा जनयुद्धको अन्तिम फाैजि माेर्चा सिन्धुपाल्चोककाे सदरमुकाम चाैतारामा २०६३ बैसाख १० गते सहादतबरण गरे । उनको निधनले  न्याैपाने परिवारमामात्रै हाेईन सिन्धुली र सिंगो माओवादी आान्दाेलनमा बज्रपात भयाे ।

उनकाे जनयुद्धको क्रममा एक कुशल, सक्षम र क्रान्तिकारी महिला नेतृ सुस्पा भुजेलसँग २०६२ सालमा जनवादी विवाह भयाे । विवाह भएकाे १ वर्षमै एउटै युद्वमाेर्चामा लड्दा लड्दै विजयलाई सुस्पाले गुमाउन पुगिन् । तिनै सुस्पा आज वागमती प्रदेश सभाकाे सदस्यकाे रूपमा विजयकाे स्मरण र सम्मान गर्दै हिँडिरहेकी छिन् ।

विजयले देखेका समाजवाद र साम्यवादका अधुरा सपना पूरा गर्ने कसम खाँदै सुस्पा गाउँ वस्ति र विद्यालयहरूमा पुगिरहेकी छिन् ।  उनी विजयकाे अभावमा एक्लै हुँदा पनि  विचलीत नभइ निरन्तर देश र जनताको सेवामा जुट्ने कसम खाएकी छिन् । उनी त्यसै दिशामा निरन्तर क्रियाशील रहेकी छिन् ।

उनले विद्यालयका वार्षिकोत्सब कार्यक्रममा सहभागीता जनाउने क्रममा आयाेजित कार्यक्रममा जनयुद्धको कारण नेपालमा राजनीतिक परिवर्तन भएको उल्लेख गर्दै परिवर्तनको लागि जीवन वलिदान दिने सहिदहरूकाे सम्मान आवश्यक रहेकाे बताइन् ।

उनले सरकारी विद्यालयकाे गुणस्तर बढाउन सबै सरकारी सुविधा लिने अभिभावकले आफ्ना बालबालिकाहरू सरकारी विद्यालयमा पढाउनुपर्ने धारणा राख्छिन् ।

उनले सिन्धुलीकाे जुनारसहितकाे उत्पादनलाई विस्तार बजारिकरण गरि आर्थिक विकासमा याेगदान दिने तथा विदेशिन बाध्य युवाहरूलाई स्वदेशमै राेजगारी सिर्जना गर्न आफ्नाे पहलकदमी रहने बताएकी छिन्।