नेपालमा काेराेनाकाे त्रास कायमै रहेकाे बेला असार २५ देखि शुरू भएको बाढी पहिराेकाे चपेटामा परी दुई दिनमै २३ जनाकाे ज्यान गएकाे छ भने ३६ जना बेपत्ता भएका छन् ।

साँढे तीन महिनाकाे लकडाउनकाे अबधिमा काेराेनाका कारण ज्यान गुमाउनेकाे संख्या ३५ छ भने साेहि अवधिमा अात्महत्या गर्नेकाे संख्या १२ सय बढि छ ।

नेपालमा शुक्रबारसम्म काेराेनाबाट  कुल संक्रमितको संख्या १६ हजार ६४९ पुगेको छ । उनीहरु मध्ये ३५ जनाको मृत्यु भएको छ भने ८ हजार ११ जना निको भइसकेका छन् । पछिल्लो २४ घण्टामा १२० जना डिस्चार्ज भएका छन् ।

त्यसैगरी शुक्रबार साँझ ७ बजेसम्म मुलुकका ८ जिल्लामा गएको बाढी र पहिरोमा परेर २३ जनाको मृत्यु भएको छ । ३६ जना बेपत्ता छन् भने २६ जना घाइते भएका छन् ।

राष्ट्रिय आपत कार्य सञ्चालन केन्द्रले मुलखबरलाई उपलब्ध गराएको विवरणअनुसार शुक्रबार बाढी, पहिरोमा परेर ग्याग्दी, लमजुङ, कास्की, रुकुम पश्चिम, तनहुँ, जाजरकोट, दोलखा र गुल्मी गरी ८ जिल्ला प्रभावित भएका छन् । तीमध्ये ६ जिल्लामा मानवीय क्षति भएको छ । बुधबार राति सिन्धुपाल्चोक जिल्लामा धनजनको क्षती भएको थियो ।

फेरि पनि काेराेनाबाट बच्न सावधानी अपनाउनु त जरुरी छ नै तर अातंकित कति हुने त्याे भने अाफैंले साेच्नु पर्ने भएको छ ।