नेपालमा कोरोनाको संक्रमण ५९ जिल्लामा फैलिएको छ । गत २४ घण्टामा परिक्षण गरिएका मध्ये डोटी जिल्ला थपिएपछि जिल्लाको संख्या ५९ पुगेको हो ।

पछिल्लो २४ घण्टामा २२६ जनामा कोरोना संक्रमणको पुष्टि भएको छ ।

स्वास्थ्य तथा जनसंख्या मन्त्रालयले सोमबार आयोजना गरेको नियमित मिडिया ब्रिफिङमा मन्त्रालयका प्रवक्ता डा। विकास देवकोटाले थप २२६ जनामा संक्रमण पुष्टि भएको जानकारी दिएका हुन् ।

आज थपिएका सहित गरेर नेपालमा कूल १७९८ जना कोरोना संक्रमित पुगेका छन् । संक्रमित मध्ये हालसम्म २ सय २१ जना उपचारपछि डिस्चार्ज भएर घर फर्किएका छन् ।