जिल्लाको विकट डाँडापारी ईलाकाकाे खानीखोला गाउँपालिका वडा न ४ फुलडाँडामा माटोको ढिस्कोले पुरिदा एक जनाको मृत्यु भएको छ भने तीन जना घाईते भएका छन् ।

खानी खोला गाउँपालिका अध्यक्ष कृष्णबहादुर खुलालले वडा न ४ निवासी २४ वर्षीया अरिना गोले मृत्यु भएको जानकारी दिनुभयो ।

उहाँका अनुसार गम्भीर घाईते २० वर्षीया यरिना गोले, १२ वर्षीया सनिसा गोलेलाई हेलिकप्टर मार्फत् थप उपचारका लागि धुलिखेल अस्पताल ल्याइएको छ भने ९ वर्षीया एलिना गोले र मृतकको लास भने एम्बुलेन्स मार्फत् पठाइएको अध्यक्ष खुलालले जानकारी दिनुभयो ।

एकै परिवारका उनीहरु घर पोत्ने माटो लिन गएका थिए । जिल्ला प्रहरी कार्याय काभ्रेका प्रमुख (एसपी) रविकुमार पौडेलले घाईतेको उद्धार भएको जानकारी दिनुभयो ।- रासस