कोरोना भाइरस संक्रमणबाट नेपालीहरुले सामना गरिरहेका समस्या सुनवाई गर्न सेवा सञ्चालनमा ल्याइएको एनआरएनए अध्यक्ष तथा कोबिड–१९ उच्चस्तरीय समिति संयोजक कुमार पन्तले जानकारी दिए । गैर आवासीय नेपाली संघको काठमाडौंस्थित सचिवालयबाट उक्त सेवा आइतबारदेखि सुरु गरिएको हो ।

कोरोना महामारीले विश्वमा भइरहेको लकडाउनका कारणले विदेशमा अलपत्र परेका, बिरामी र अन्य समस्या झेलेका नेपालीले हेल्पलाइनमार्फत केन्द्रीय कार्यालयमा जानकारी दिन सक्ने एनआरएनए केन्द्रीय महासचिव हेमराज शर्माले बताए ।