बेसीशहर नगरपालिकाकाले लकडाउनका कारण काममा निश्कन नसकेका मजदुरका परिवारलाई ३० केजी चामलसहितको खाद्य सामाग्री सहयोग गर्ने भएको छ ।  बेसीशहर नगरपालिकाका नगरप्रमुख गुमानसिंह अर्यालको अध्यक्षतामा आज बिहीबार बसेको बैठकले सो निर्णय गरेको हो ।

नगरपालिकाका प्रेस सल्लाहाकार कृष्ण केसीले दिनुभएको जानकारी अनुसार नगर कार्यपालिकाले गरेका निर्णयहरु यस प्रकार छन् ।

१. लकडाउनका कारण काममा निश्कन नसकेका मजदुरका परिवारलाई ३० केजी चामलसहितको खाद्य सामाग्री सहयोग गर्ने
२. भोली १४ गतेसम्म सबै वडामा कम्तीमा १०/१० शैयाको क्वारेन्टाइनको निर्माण कार्य सम्पन्न गर्ने
३. क्वारेन्टाइनमा बस्नेलाई नगरपालिकाले खानाको ब्यबस्था गर्ने
४. नगरपालिकाले माक्स, पञ्जा र सेनिटाइजर बनाएर स्वास्थ्यकर्मी र यस्तो कार्यमा खटिनेलाई वितरण गर्ने
५. अति आबश्यक खाद्य सामाग्री आपूर्तिमा समस्या परेमा नगरपालिकाले ढुवानीको लागि घर÷घरमा निशुल्क ट्याक्टर पठाउने