काठमाडौं, ११ फागुन ।
प्रधानमन्त्री केपी शर्मा ६९ औं वर्षमा प्रवेश गर्नुभएको छ । सत्तारुढ दल नेकपाका अध्यक्ष समेत रहेका ओली आफ्नो जन्म दिवस मनाउन तेह्रथुम जाने कार्यक्रम छ ।

यसअगाडि काठमाडौंमै जन्म दिन मनाउँदै आउनुभएका ओली यसपटक पुर्खौली घर तेह्रथुमको आठराई गाउँपालिका–४ ९साविकको इवा गाविस–२० तीनसल्ले खानीगाउँ जान लाग्नुभएको हो ।

प्रधानमन्त्री ओली तीनसल्लेमै जन्मनुभई बाल्यकाल पनि त्यही बितेको थियो । पछि झापा बसाइ झरेका ओलीको अहिले भने भक्तपुरको बालकोटमा बसोबास रहिआएको छ ।

प्रधानमन्त्री ओली आज तेह्रथुम जाने भएपछि जन्मदिनको अवसर पारेर शनिबार नै ‘भिजन टु एक्सन’ पुस्तक सार्वजनिक गरेका थिए ।
प्रधानमन्त्री ओली जन्मदिन मनाउन गाउँ आउने भएपछि गाउँपालिकामा सार्वजनीक विदा दिइएको छ ।