काभ्रेमा भएका दुई वटा दुर्घटनामा तीन जनाको मृत्यु भएको छ भने तीन जना घाइते भएका छन् । जिल्लाको पनौती नगरपालिका–११ थुम्कीमा सडक डिभिजन कार्यालयले निर्माण गरिरहेको सडकको स्काभेटर दुर्घटना हुँदा दुई जनाको घटनास्थलमै मृत्यु भएको हो । दुर्घटनामा एक जना घाइते भएका छन् ।

सडक निर्माणको क्रममा स्काभेटरमा स्थानीय दुई किशोर र चालक रहेकोमा स्काभेटर सडकबाट तीनसय मिटर तल खसेको थियो । जिल्ला प्रहरी कार्यालय काभ्रेका एसपी रवि पौडेलले सो दुर्घटनामा परेर स्काभेटरमा बसेका पनौती–११ का १६ बर्षीया राउत केसी र सिन्धुपाल्चोक स्थायी घर भइ दिदीको घरमा आएकी १५ बर्षीया रोशन भण्डारीको घटनास्थलमै मृत्यु भएको जानकारी दिए । त्यस्तै दुर्घटनामा परी स्काभेटर चालक पनौती नगरपालिका–७ का २७ बर्षीया जीवन ताम्राकार घाइते भएका छन् । उनको धुलिखेल अस्पतलामा उपचार भैरहेको छ ।

बिहीबार नै काभ्रेको रोशी गाउँपालिका–९ को पानान्चे सकडममा देउरालीबाछट नार्के आउँदै गरेको दुध बोकेको बा.५च.५०७४ नंम्बर को बलेरो गाडी सडकबाट सय मिटर तल खसेको थियो । दुर्घटनामा परी सोही स्थानका १२ बर्षिया अनिल रानामगरको मृत्यु भएको हो । दुर्घटनामा परी दुई जना घाइते भएका छन् भने उनीहरुको धुलिखेल अस्पतालमा उपचार भैरहेको प्रहरीले जनाएको छ ।