कास्की-२ को उपचुनावमा सत्तारूढ नेकपाकी उम्मेदवार अत्याधिक मतसहित  विद्या भट्टराई  विजयी बन्नुभएकाे छ । प्रतिस्पर्धी नेपाली काङ्ग्रेसका उम्मेेेेदवार खेमराज पौडेललाई   ८ हजार ४०९ मतान्तरले पराजित गर्दै उहाँले  विजय हासिल गर्नुभएकाे हाे  । भट्टराईले २४ हजार ३९५ मत प्राप्त गरेकी थिइन भने  पौडेलले १५ हजार ९८६ मत ल्याएका हुन्  ।

निर्वाचनमा समाजवादी पार्टीका उम्मेदवार धर्मराज गुरुङले १९ सय २२, राप्रपाका रोमबहादुर भण्डारीले ११ सय ५३ र साझा पार्टीकी रजनी केसीले ९ सय ४२ मत ल्याएका छन् ।

विजयी भट्टराईले अाफ्नाे जितलाई पति रविन्द्र अधिकारीकाे सम्मान भन्दै सम्पूर्ण मतदाता र सहयाेगीहरूलाई धन्यवाद र अाभार व्यक्त गरेकी छिन् ।

नेपाली काँग्रेसका प्रत्याशी खेमराज पाैडेलले विजयी भट्टराईलाई बधाई दिँदै अाफ्नाे साथ र सहयाेग रहने बताएका छन् ।