युनाइटेड अरब इमिरेट्स (यूएई)को दुबईमा भएको सवारी दुर्घटनामा परी छ जना नेपालीको मृत्यु भएको छ ।

स्थानीय समयअनुसार सोमबार बिहान ४ बजेर ५४ मिनेटमा दुबईको सेख मोहम्मद विन जायद सडकमा फस्र्ट सेक्युरिटी ग्रुपको मिनिबस लरीसँग ठोक्किएर दुर्घटना भएको थियो ।

दुर्घटनामा परी ज्यान गुमाउने नेपालीहरुको सनाखत भइसेको छ । यसरी ज्यान गुमाउनेहरुमा रमेश चौधरी, दानबहादुर सत्याल, कृष्णबहादुर पुन, नारायणप्रसाद पोखरेल, दीपक विक र नयराम साउदरहेका छन्  ।

यूएईका लागि नेपाली राजदूत कृष्णप्रसाद ढकालले दुर्घटनाबारे दूतावासले थप जानकारी लिइरहेको आफ्नो फेसबुक स्ट्याटसमा उल्लेख गर्नुभएको छ । दुबइृमा भएको दुर्घटना उच्च गतिका कारण भएको हुन सक्ने बताइएको छ ।
मृतकहरुको शव नेपाल ल्याउने तयारी पनि दुतावासले शुरु गरेको जनाइएको छ ।