पत्रकार तथा युवा व्यवसायी विनय अधिकारीले गैर आवासिय नेपाली संघ अन्तराष्ट्रिय परिषदको केन्द्रीय सचिवमा उम्मेदवारी घोषणा गरेका छन् । चितवन जिल्ला कुरिनटार स्थायी घर भई वेलायतमा कार्यरत अधिकारीले अक्टोबरमा काठमाडौँमा हुन लागेको नवौं सम्मेलनमा सचिव पदमा उम्मेद्बारी घोषणा गरेका हुन् ।

गैरआवासीय नेपाली संघलगायत अन्य थुप्रै सामाजिक सघ संस्थामा आबद्ध रहँदै आएका अधिकारी गैर आवासीय नेपाली संघ एनआरएनए यूकेको २०१७–२०१९ कार्यकालको लागि उपमहासचिव हुन् । आफ्नो कार्यकालमा अत्यन्त सफल बनेका अधिकारीले अन्तराष्ट्रिय रुपमा आफ्नो भुमिका विस्तार गरी वास्तविक रुपमा विदेशमा रहेका नेपालीहरुको हक हित र नेपालको विकास र समृद्धिको लागि काम गर्न उम्मेदवारी घोषणा गरेको बताएका छन् ।

डेढ दशकदेखि प्रवासमा रहि विभिन्न संघ संस्था तथा सामाजिक अभियानमा नेतृत्वदायी भूमिका निर्वाह गरेका अधिकारी एनआरएन युकेमा मात्र नभई केन्द्रीय कार्यसमितिमा समेत उर्जाशिल युवाको रुपमा परिचित छन् ।

केन्द्रीय कार्यसमितिदेखि विश्वभर रहेका गैरआवासीय नेपाली संघ राज्यसमितिमा समेत आफ्नो बलियो पकड बनाएका अधिकारी गैरआवासीय नेपाली संघको आगामी निर्वाचनमा केन्द्रीय कार्यसमिति सचिवका बलियो दाबेदार हुन् ।

लामो समयदेखि बेलायतमा व्यवसाय गर्दै आएका अधिकारी एनआरएनमा सक्षम नेतृत्व, साझा प्रतिनिधित्व, पारदर्शीता, जवाफदेहिता, समावेशिता, सामूहिक एकता, सबै नेपालीबीच एकता आजको एनआरएनएको आवश्यकता भएको बताउँछन् ।
उनले आफूसँग नेपालको शिक्षा, स्वास्थ्य, प्रविधि र रोजगारीको विभिन्न योजना रहेको बताएका छन् । एनआरएनले नेपालको समृद्धि र विकासको पक्षमा काम गर्नुपर्ने उनको धारणा छ । उनले आफूलाई कुनै दल विशेष भन्दा पनि नेपाल र नेपालीको समृद्धिको लागि आफूलाई विजयी गराउन अपील गरेका छन् ।