काठमाडौं, ३० असार –

सरकारले बाढी, पहिरो तथा डुवान क्षेत्रमा तत्काल अत्यावश्यक सेवा सुचारु गर्ने निर्णय गरेको छ ।

आइतबार प्रधानमन्त्री निवास बालुवाटारमा बसेको मन्त्रिपरिषदको बैठकले सो निर्णय गरेको हो ।   मन्त्रिपरिषदले पीडित नागरिकलाई तत्काल राहत उपलब्ध गराउने निर्णय गरेको छ ।

बैठकले प्रभावित क्षेत्रमा तत्काल राहत पु¥याउने तथा घाइतेहरुको उपचारमा कुनै कमी हुन नदिने निर्णय समेत लिएको छ ।

त्यस्तै मन्त्रिपरिषदले पुल भत्केका ठाउँमा तत्काल बेलिब्रिज बनाउने निर्णय गरेको छ । राहत कोषबाट रकम अपुग भए सरकारले रकम थप गर्ने निर्णय समेत गरेको छ।

बिहीबारदेखि निरन्तरुपमा भएको वर्षाका कारण देशभरबाट अहिलेसम्म ५१ जनाको ज्यान गएको सरकारले पुष्टि गरेको छ ।