युएई , ७ जेठ ।

नेपालमा माओवादीहरुबीच भएको एकताले प्रबासमा बस्ने नेपालीहरु समेत खुशी भएका छन । बिभाजन भएको ४ बर्षपछी नेपालमा १० वटा माओवादी घटकहरुबीच भएको एकताले नेपालको कम्युनिस्ट आन्दोलनलाई मुलप्रबाहमा ल्याउने भन्दै युएई र कतारमा रहेका नेपालीहरुको संगठन नेपाली जनप्रगतिशिल मंचले प्रशन्नता ब्यक्त गरेका हो ।

युएई र कतारका माओबादी निकट संगठनहरुले बिज्ञप्ती जारी गर्दै जेष्ठ ६ गतेका दिनलाई सिङो माओवादी आन्दोलनको लागि ऐतिहासिक दिन रहेको बताएका छन । १० बर्षे जनयुद्धमा शहादत प्राप्त महान सहीद, घाइते, अपाङ्ग तथा बेपत्ता परिवारको लागि उक्त दिनले थप उत्साह ल्याएको भन्दै माओवादी घटकहरुको एकता र एकिकरणले सहीदहरुको सपना साकार पार्ने ऐतिहासिक दिनको रुपमा संगठनले लिएको जनाईएको छ ।

युएईका लागि निबर्तमान अध्यक्ष तथा अधिबेशन आयोजक समितीका संयोजक् हेमन्त पौड्याल , कतारका लागि महासचिब जेबी राई तुफान र अध्यक्ष शनी कुमार ओलीले जारी गर्नु भएको बेग्ला बेग्लै बिज्ञप्तीमा भनिएको छ, सम्पन्न एकता अधिबेशनले निर्दिस्ट गरेका पार्टीका राजनैतीक र सांगठानिक कार्यदिशाले पार्टीलाई नयाँ उचाईमा पुर्याउने ठहर गर्दै हाम्रो संगठन नेपाली जनप्रगतिशिल मंच पार्टी एकताप्रती आफ्नो प्रतिबद्धता जाहेर गर्दछ ।

यसै बिच आज शुक्रबार युएईमा रहेका माओवादीहरुको संयुक्त बैठक बस्ने भएको छ । आज बसेको बैठकले युएईमा रहेका सबै माओवादीहरुलाई एकिकृत गरी छिट्टै नै संगठनको अधिबेशन गरिने मंचका निबर्तमान अध्यक्ष तथा अधिबेशन आयोजक समितीका संयोजक हेमन्त पौड्यालले बताए ।

बिज्ञप्ती