काठमाडौं, १७ वैशाख  ।

एकिकृत नेकपा माओवादी परित्याग गरि नयाँ शक्ति अभियानमा सरीक भईरहेका पूर्व प्रधानमन्त्री डा. बाबुराम भट्टराईले आगामी जेठ ३० गते नयाँ पार्टी घोषणा गर्ने भएका छन् ।

उनले सो दिन काठमाडौंको दशरथ रंगशालामा नयाँ पार्टीको औपचारीक घोषणा गर्ने कार्यक्रम तय भएको नयाँ शक्ति अभियानको केन्द्रिय कार्यालयले जनाएको छ । त्यसपछि काठमाडौंको प्रज्ञा भवनमा ३१ र ३२ गते पार्टीको भेला गर्ने कार्यक्रम तय भएको छ ।

नयाँशक्ति नेपालले नयाँ संस्कार, नयाँ संस्कृति, आर्थिक समृद्धि, सुशासन र विकाससहितको वैकल्पिक राजनीतिक धार स्थापना गर्ने अभिप्रायका साथ नयाँशक्ति नेपालको औपचारिक घोषणाको उद्घाटन रंगशालामा गर्ने भएको हो ।