काठमाडौं , बैशाख १० ।

२७ वटा स साना दलहरु मिलेर बनेको संघिय गठबन्धनले जेठ १ गते काठमाडौं जाऔं , सिंहदरबार घेरौ भन्दै आन्दोलन गर्ने भएको छ ।
गत असोज ३ मा जारी भएको संविधानप्रति असन्तुष्टि जनाउँदै आएको संघिय गठबन्धनले वैशाख १५ गतेदेखि गर्ने आन्दोलन शुरु गर्ने भएको हो । उसले आज १५ दिने आन्दोलनको कार्यक्रम सार्बजनिक गरेको छ । जेठ १ गतेसम्म गरिने आन्दोलनका कार्यक्रम यस्ता छन्ः
१. वैशाख १५ गते जिल्ला प्रशासन कार्यालय मार्फत् सरकारलाई ज्ञापनपत्र बुझाउने।
२. १७ गते सबै जिल्लाका सरकारी कार्यालयमा कालो झण्डा गाड्ने।
३. १९ गते मुख्य शहर र जिल्ला सदरमुकाममा कोण सभा गर्ने।
४. वैशाख २१ गते देखि ३१ गतेसम्म विभिन्न ठाउँमा विरोध सभा गर्ने। त्यही बेला उपत्यकाका तीन जिल्लाका विभिन्न स्थानमा कोणसभा गर्ने।
५. जेठ १ गतेदेखि काठमाडौं केन्द्रीत आन्दोलनलाई विशेष रूपमा सञ्चालन गर्ने।

प्रेश बिज्ञप्ती