यूएई ।

गैर आवासीय नेपाली संघ यूएईको आयोजनामा नेपाली दूतावास परिसर अबुधाबीमा रक्तदान कार्यक्रम आयोजना गरिएको छ ।  १५ अप्रिल २०१६ का दिन सम्पन्न रक्तदान कार्यक्रममा करिब ६० जनाले रक्तदान गरेका थिए ।

‘रक्तदान जीवनदान’ भन्ने मूलमन्त्रमा रहेर अबुधाबी ब्लडबैंकसँगको सहकार्यमा सम्पन्न कार्यक्रममा ८० भन्दा बढी नेपालीहरु भेला भएर सहभागी दाताहरुलाई हौसला प्रदान गरेको एनआरएन यूएईका प्रवक्ता बालकृष्ण मरासिनीले जानकारी दिएका छन् ।

सोही प्रकृतिको कार्यक्रम निकट भविष्यमा दुबई एरियामा आयोजना गर्ने एनआरएन यूएईको लक्ष्य रहेको छ । एनआरएन एनसीसी यूएईले सहभागी सबै तथा सबै रक्तदाताहरुलाई धन्यवाद दिँदै एनआरएन यूएईका अध्यक्ष सुदिप कार्कीले मानवीय कार्यमा नेपालीका अतिरिक्त भारतीय र स्थानीय बासिन्दाप्रति आभार प्रकट गरेका छन् ।
ब्लडबैंकका प्रतिनिधिका अनुसार रक्तदान कार्यक्रममा ४० जनाभन्दा बढी भएमा सफल मानिने परम्परा अनुसार नेपाली दूताबास परिसरमा आयोजना भएको यस कार्यक्रमलाई अत्यन्त सफल भन्ने प्रतिक्रिया प्राप्त भएको प्रवक्ता मरासिनीले जानकारी दिएका छन् ।