काठमाडौं । नेपालका लागि पाकिस्तानका नवनियुक्त राजदूत महामहिम मोहम्मद आमिर खानले काठमाडौंमा राष्ट्रपति रामचन्द्र पौडेलसमक्ष आफ्नो ओहोदाको प्रमाणपत्र प्रस्तुत गर्नुभएको छ।
ओहोदाको प्रमाणपत्र प्रस्तुत गर्ने क्रममा राजदूत खानले पाकिस्तानको नेतृत्वका तर्फबाट नेपालका राष्ट्रपति तथा नेपाली जनतालाई शुभकामना सन्देश व्यक्त गर्नुभएको थियो।

सो अवसरमा उहाँले नेपाल र पाकिस्तानबीच रहिआएको ऐतिहासिक मित्रता तथा सहकार्यका सम्बन्धलाई थप सुदृढ बनाउन पाकिस्तान प्रतिबद्ध रहेको बताउनुभयो।
राजदूत खानले ओहोदाको प्रमाणपत्र प्रस्तुत गर्नुभएको

घटनालाई नेपाल–पाकिस्तानबीचको निकट तथा सौहार्दपूर्ण द्विपक्षीय सम्बन्धलाई थप अघि बढाउने महत्वपूर्ण उपलब्धिका रूपमा लिइएको छ।

नेपाल र पाकिस्तानबीच लामो समयदेखि कूटनीतिक, आर्थिक, शैक्षिक तथा सांस्कृतिक क्षेत्रमा सहकार्य हुँदै आएको छ।