सन् २०२६ मा मलेसियाको जनसङ्ख्या तीन करोड ४४ लाख पुगेको अनुमान गरिएको सरकारद्वारा सार्वजनिक एक तथ्याङ्कले देखाएको छ।

यो अघिल्लो वर्षको तीन करोड ४२ लाखबाट सामान्य बढी हो । यसले ०.५ प्रतिशतको वार्षिक वृद्धि दर देखाउँछ।

मलेसियामा स्वदेशी जनसङ्ख्या सन् २०२५ को तीन करोड आठ लाखबाट बढेर तीन करोड १० लाख पुगेको छ, जसले ०.६ प्रतिशतको वृद्धि दर कायम राखेको छ ।

यसको विपरीत यहाँको आप्रवासीहरूको जनसङ्ख्या घट्दै गएको छ। सन् २०२५ मा ०.५ प्रतिशत घटेपछि यसपटक ०.२ प्रतिशत घटेको मलेसियाको तथ्याङ्क विभागले वक्तव्यमा जनाएको छ।

नागरिकहरू कुल जनसङ्ख्याको ९०.२ प्रतिशत रहेका छन्, जुन सन् २०२५ को ९०.१ प्रतिशतबाट थोरै बढेको हो।

जातीय आधारमा बुमिपुत्रा समुदायको सबैभन्दा ठूलो समूह रहेको छ र यो ७०.७ प्रतिशत छ, जसमा ५८.४ प्रतिशत मलय र १२.३ प्रतिशत अन्य बुमिपुत्रा छन्। चिनियाँको अंश २२.२ प्रतिशतबाट घटेर २२ प्रतिशत पुगेको छ भने भारतीय र अन्य जातीय समूहहरू क्रमशः ६.५ प्रतिशत र ०.८ प्रतिशतमा अपरिवर्तित रहेका छन् ।