विश्वकप २०२६ मा आइतबार तेस्रो स्थानका लागि भएको खेलमा फ्रान्सलाई ६–४ ले पराजित गरेर बुकायो साकाको ह्याट्रिक मद्दतले इंग्ल्यान्डले तेश्राे स्थानकाे जित निकालेको छ ।

फाइनल प्रवेश गर्न असफल दुई टिमबीच मियामीमा खेल भएको थियो र प्रतिस्पर्धा रोमाञ्चक रह्यो ।

हारमा पनि फ्रान्सका लागि कप्तान किलियन एमबाप्पेले दुई गोल गरे र उनी यस विश्वकपमै सर्वाधिक गोल गर्ने खेलाडीको सूचीको शीर्षमा रहे । एमबाप्पेको यो दसौं गोल हो र उनले अर्जेन्टिनाका लियोनल मेसीलाई उछिनेका छन् । यससँगै उनी गोल्डेन बुट अवार्डका लागि बलिया प्रत्यासी भएका छन् ।

मेसीले आठ गोल गरेका छन् । विश्वकप इतिहासमै एमबाप्पले गरेको गोल संख्या २२ पुगेको छ र उनी सबैभन्दा बढी गोल गर्ने खेलाडी पनि भएका छन् । विश्वकपमा इंग्ल्यान्डले तेस्रो स्थानको खेल जितेको यो पहिलो पटक हो । सन् २०१८ मा बेल्जियम र सन् १९९० मा इटालीसँग इंग्ल्यान्डले हारको सामना गरेको थियो ।