काठमाडौं । अर्जेन्टिनाका कप्तान तथा विश्व फुटबलका महान् खेलाडी लियाेनल मेस्सीले अल्जेरियाविरुद्धकाे एकै खेलमा तीन गाेल गरि पहिलो रेकर्ड बनाएका छन् । उनलेे खेलको १७ औं, ६०औं र ७६औं मिनेटमा गोल गर्दै ह्याट्रिक पूरा गरेका हुन् । खेलको सुरुवातमै मेस्सी एक गोल गरेपनि अफसाइडका कारण मान्यता पाएको थिएन ।

विश्वकप २०२६ को समूह चरणको खेलमा डिफेन्डिङ च्याम्पियन अर्जेन्टिनाले अल्जेरियासँग प्रतिस्पर्धा गर्दा मेस्सीले पहिलो हाफमै टोलीलाई अग्रता दिलाएका थिए। त्यसपछि दोस्रो हाफमा पनि उनले गोल गर्दै आफ्नो प्रभाव कायम राखे।

६०औँ मिनेटमा अर्जेन्टिनाको आक्रमणका क्रममा अल्जेरियाका गोलरक्षक  लुकाले बल नियन्त्रण गर्न नसक्दा मेस्सीले अवसरको सदुपयोग गरे। बक्सभित्र सही समयमा पुगेका मेस्सीले सहज टचमार्फत बललाई जाली चुमाउँदै अर्जेन्टिनाको अग्रता दोब्बर बनाए।

यसअघि १७औँ मिनेटमा मेस्सीले शानदार लामो दूरीको प्रहारमार्फत पहिलो गोल गरेका थिए। मिडफिल्डबाट बल पाएपछि अगाडि बढ्दै उनले गरेको शक्तिशाली प्रहार सिधै जालीमा पुगेको थियो।

खेलमा मेस्सीको प्रदर्शनले फेरि एकपटक उनको स्तर प्रमाणित गरेको छ। करियरको अन्तिम चरणतिर पुगे पनि विश्वको ठूलो मञ्चमा उनले निर्णायक क्षणमा आफू अझै खतरनाक रहेको देखाएका छन्।

अल्जेरियाले पनि केही अवसर सिर्जना गरे पनि अर्जेन्टिनाको अनुभव, नियन्त्रण र मेस्सीको चमक अगाडि रोक्न सकेन। मेस्सीको दुई गोलसँगै अर्जेन्टिनाले खेलमा बलियो पकड बनाएको छ।