अन्ततः १० दिनकाे सफल अन्तरिक्ष यात्रा र चन्द्र अभियान सम्पन्न गरेर चार सदस्यीय आर्टेमिस २ काे टिम सकुशल पृथ्वीमा फर्किएको छ ।

NASA को ‘आर्टेमिस–२’ (Artemis II) मिसन अन्तरिक्ष अन्वेषण इतिहासमा सबैभन्दा महत्वपूर्ण मानव चन्द्र अभियानमध्ये एक मानिन्छ।

यो मिसन अन्तर्गत चार अन्तरिक्ष यात्रीहरूले चन्द्रमाको नजिकसम्म पुग्ने १० दिन लामो परीक्षण यात्रा सफलतापूर्वक पूरा गरेका छन् र शनिबार बिहान प्रशान्त महासागरमा सुरक्षित अवतरण गरेका छन्।

यो उडान सन् १९७२ को ‘अपोलो–१७’ पछि चन्द्रमाको नजिक पुग्ने पहिलो मानवसहितको मिशन हो। ‘आर्टेमिस–२’ को मुख्य उद्देश्य चन्द्र कक्षमा मानवको दीर्घकालीन बसोबासका लागि आवश्यक प्रविधि, सुरक्षा प्रणाली, जीवन समर्थन प्रणाली, र गहिरो अन्तरिक्ष सञ्चार क्षमताको परीक्षण गर्नु थियो।

यो मिसनले विशेष गरी NASA को नयाँ Orion अन्तरिक्ष यान र Space Launch System (SLS) रकेटको क्षमताको वास्तविक परीक्षण गरेको मानिन्छ। वैज्ञानिकहरूका अनुसार यस सफलताले आगामी ‘आर्टेमिस–३’ मिसनलाई अझ सुरक्षित र सटीक बनाउनेछ, जसमा मानवलाई चन्द्रमाको सतहमा पुनः अवतरण गराउने योजना छ।

यस उपलब्धिले केवल चन्द्रमामा फर्कने लक्ष्य मात्र होइन, भविष्यमा मंगल ग्रहसम्म पुग्ने मानव यात्राको आधार पनि तयार गरेको छ। अन्तरिक्ष विज्ञहरूका अनुसार आर्टेमिस कार्यक्रम मानव सभ्यताको “deep space exploration era” मा प्रवेशको संकेत हो।

आर्टेमिस–२ मिसन अन्तर्गत
• २०२६ अप्रिल १० मा करिब १० दिनको चन्द्रमा परिक्रमा यात्रा पछि ४ अन्तरिक्ष यात्री सकुशल पृथ्वी फर्किएका
• उनीहरू चढेको ओरायन क्याप्सुल प्रशान्त महासागरमा अवतरण भयो।
• आधा शताब्दीपछि मानिसलाई चन्द्रमाको नजिक पुर्‍याएर फर्काइएको पहिलो ऐतिहासिक मिसन।
• २०२६ अप्रिल १ मा फ्लोरिडाबाट एसएलएस रकेटमार्फत प्रक्षेपण गरिएको।
• कुल यात्रा दूरी: ११,१७,५१५ किलोमिटर।

सहभागी अन्तरिक्ष यात्री:
1. रिड वाइसम्यान
2. भिक्टर ग्लोभर
3. क्रिस्टिना कोच
4. जेरेमी ह्यान्स