नेपालमा पहिलोपटक मंसिर १२ देखि अन्तर्राष्ट्रिय जनसंख्या सम्मेलन हुँदै. मूलखबर संवाददाता काठमाडौं, नेपालमा पहिलोपटक जनसंख्या सम्मेलन हुन गइरहेको छ । यहि मंसिर १२ देखि १५ सम्म साेल्टी हाेटलमा आयाेजना हुने सम्मेलनमा ३८ भन्दा धेरै देशबाट सहभागीता रहने आयाेजकले जनाएका छन् ।. एशियाली जनसंख्या संघ (एपिए) मूल आयोजक र जनसंख्या अध्ययन केन्द्रीय विभाग (सिडिपिएस) स्थानीय आयोजक रहेको यो सम्मेलनमा विभिन्न मुलुकका करिब ६०० जनसंख्याविद्हरूको सहभागिता रहने छ ।. स्थानीय आयोजक समितिका संयोजक एवं सिडिपिएसका प्रमुख प्राध्यापक योगेन्द्र बहादुर गुरुङका अनुसार सम्मेलनमा १७ वटा विषयका कार्यपत्रहरु प्रस्तुत गरिनेछन् ।. नेपालको जनसंख्या नीति निर्माणमा महत्वपूर्ण योगदान गर्ने विश्वास आयाेजकले गरेका छन् । सम्मेलनमा एशिया,अमेरिका,अष्ट्रेलिया लगायतका महादेशका जनसंख्याविद्धहरुको सहभागिता रहने छ ।. आयोजकका अनुसार मंसिर १५ गते नेपाल शेसन पनि हुनेछ । उक्त शेसनमा श्रम तथा रोजगार मन्त्री शरदसिंह भण्डारीले नेपालमा रोजगारीको अवस्था र वैदेशिक रोजागरीमा युवाहरुको आकर्षण किन भन्ने विषयमा पनि एक कार्यपत्र प्रस्तुत गर्नेछन् ।.