सशस्त्र प्रहरी बल धनुषाकाे टाेलीले अबैध तबरले ल्याइएको  ठूलाे मात्रामा काजु किसमिससहितकाे  ट्रक बरामद गरेको छ ।

 सशस्त्र प्रहरी बल धनुषा, नेपाल नं ८ गण हेक्वा धनुषाको टोलीले  मिति २०८१/०२/१४ गते बेलुका ६:४० बजे धनुषा जनकपुर उपमहानगरपालिका १ स्थित सिता चौक एरियाबाट साे परिमाणकाे सामग्रीसहितकाे ट्रक पक्राउ गरेको हाे ।

प्रहरीका अनुसार विशेष सुचना पाए लगतै सशस्त्र प्रहरी बल नेपाल नं ८ गण हेक्वा धनुषा मातहतकाे सुरक्षा वेश जनकपुरबाट सहायक प्रहरी निरक्षक उमेश कुमार कार्कीको कमाण्डमा खटिगएको ७ जनाको मोवाईल गस्ती टोलि र जनकपुर भन्सार कार्यलयबाट अधिकृत रविन लाल दासको कमाण्डमा गएको ५ जनाको संयुक्त टोलीले साे कार्वाही सम्पन्न गरेको हाे ।

प्रहरीले मधेश प्रदेश ०४-००१ख ०१७१ नम्बरको ट्रकमा राखेर भारतबाट अवैध रुपमा भन्सार छली नेपालतर्फ ल्याउदै गरेको अन्दाजी  रु.२३,२६,०००।-(तेईस लाख छब्बीस हजार) बराबरको काजु २१०० के.जि, किस्मीस ५४०के.जि. र ट्रक अन्दाजी रु ३२,२४,०००(बत्तिस लाख चौबिस हजार) गरी जम्मा रु.-५५,५,००,००(पचपन्न लाख पचास हजार)बराबरको काजु किस्मिस र ट्रक नियन्त्रणमा लिई जनकपुर भन्सार कार्यलय धनुषामा भन्सार दाखिला गरिएको जनाएको छ।