प्रधानमन्त्री पुष्पकमल दाहाल प्रचण्डले आफूलाई विश्वासकाे मत दिने दल र सांसदहरूलाई धन्यवाद दिनुभएको छ ।

संसदबाट  विश्वासको मत पाएपछि आफ्नाे फेसबुक मार्फत प्रधानमन्त्री प्रचण्डले हार्दिक आभारसहित धन्यवाद दिनुभएको हाे ।

प्रधानमन्त्री प्रचण्डले  संसदमा विश्वासको मत लिनुपूर्व आफूले वाचा गरेअनुरूप नयाँ उर्जाका साथ सुशासन, सामाजिक न्याय, समृद्धि र विकासको मार्गचित्रमा पूर्णरूप खर्चिने प्रतिबद्धता व्यक्त गर्नुभएको छ ।

प्रचण्डले लेख्नुभएको छ-

प्रतिनिधिसभाबाट विश्वासको मत दिनुहुने सत्ता सहयात्री दल लगायत सम्पूर्ण राजनीतिक दलमा आवद्ध र स्वतन्त्र रूपमा क्रियाशील माननीय सांसदज्यूहरूमा हार्दिक आभारसहित धन्यवाद ज्ञापन गर्दछु।

तपाईहरूबाट प्राप्त यो विश्वास संसदमा विश्वासको मत लिनुपूर्व मैले वाचा गरेअनुरूप नयाँ उर्जाका साथ सुशासन, सामाजिक न्याय, समृद्धि र विकासको मार्गचित्रमा पूर्णरूप खर्चिने प्रतिबद्धता व्यक्त गर्दछु।