नगरकोट भ्रमण वर्ष २०८२ लाई लक्षित गरी आयोजना गरिएको सडक महोत्सव आजसमापन हुँदैछ ।  महाेत्सवमा हजारौं अवलोकनकर्ताहरूले सहभागीता जनाएको आयाेजकले जनाएका छन् ।

कात्तिक २३ गतेबाट शुरू भएको महाेत्सवमा राष्ट्रिय स्तरका कलाकारहरूले सांगीतिक प्रस्तुति दिएका छन् । संगितमा युवायुवतीहरू मनाेरन्जन लिँदै नाचिरहेका देखिन्छन् ।

प्राकृतिक सम्पदा कला र संस्कृति, पर्यापर्यटनको विकास नगरकोटको उन्नति भन्ने नाराका साथ चलिरहेको नगरकोट सडक महोत्सव-२०८० को आज तेश्रो तथा अन्तिम दिन राष्ट्रिय तथा अन्तराष्ट्रिय जगतमा छुट्टै पहिचान बनाउन सफल ख्याति प्राप्त चिरपरिचित लोक सांगीतिक क्षेत्रका सुपर स्टार गायक तथा गायिकहरू राधिका हमाल, खुमन आधिकारी,चर्चित सेलो गायक विश्व दोङ सहित अन्य थुप्रै राष्ट्रिय कलाकारहरूको विषेश प्रस्तुति सहित भव्य रूपमा समापन समाराेह हुने नगरकोट नाल्दुम पर्यटन विकास समितिका अध्यक्ष नविन गुरुङले बताए ।