काठमाडौं । नेपाल, हङकङ र यूएईबीच हुने त्रिदेशीय टी–२० अन्तर्राष्ट्रिय क्रिकेट शृङ्खलाका लागि नेपाली टोलीको घोषणा भएको छ । कात्तिक १ गते बुधवारदेखि शुरु हुने खेलका लागि नेपाल क्रिकेट संघ (क्यान) ले १८ सदस्यीय टोली घोषणा गरेको हो ।

घाइते भएका कारण एसियाली खेलकुद खेल्न नपाएका ललितनारायण राजवंशी टिममा फर्किएका छन् । सन्दीप लामिछानेले भने यसअघि नै प्रतियोगिता नखेल्ने बताइसकेका छन् ।

रोहित पौडेलको कप्तानीमा रहेको टोलीमा सोमपाल कामी, करण केसी, सन्दीप जोरा, कुशल भुर्तेल, कुशल मल्ल, विनोद भण्डारी, सागर ढकाल, लोकेश बम, सूर्य तामाङ, श्याम ढकाल, प्रतीश जिसी, दीपेन्द्रसिंह ऐरी र आसिफ शेख छन् । गुल्सन झा, विवेक यादव र अविनाश बोहरा पनि टोलीमा छन् ।

त्रिदेशीय टी-२० सिरिजको प्रत्यक्ष प्रशारण हिमालय टिभीले गर्ने क्यानले जनाएको छ ।